魯斯基

真?zhèn)S無心插柳柳成陰，當年嘅「威利加道」未能圓打吡夢，邊個估到呢頭「百賀飛駒」都未慶功，連「直線力山」都殺個二級賽番嚟，甚至連終點前力戰(zhàn)鏡頭都好相似，大大份贈慶禮物送埋畀馬主莊。猶記得當日全民炒股仔時代，魯斯基都曾經(jīng)有幸跟股壇老友拜訪，享受過馬主莊港島東大本營的自家美廚精緻菜色，諗番起都口水直流。

講咗一大輪，都無提主角紙上馬主，維他奶家族莊太羅琪恩至係真正貴人，佢件金光閃閃綵衣，家陣明顯比老公紅噹噹嗰件更威，唔知馬主莊會唔會買粒心型「鑽石寶寶」贈佳人，感激下佢靚靚腳頭呢？我哋塘邊鶴沾不上邊，就自掏腰包捧下隻快馬，話曬姚本輝多計仔，降班郁下眼罩，放放下就到。