黃子豐

今次介紹頭場，先講隻「大利好運」，我極度懷疑，呢隻馬第二次上陣時，在步速段段快下，潘頓居然中段突然走個五六疊踩油，唔輸就有鬼。到咗第三場，馬房就同佢加個眼罩，直至前一場，隻馬帶咗眼罩後，其實除咗跑兩個冇乜威脅嘅第三，其餘六場，其實反覆到不得了，直至上場初跑泥地，增程跑中距離，終於重現當年冇眼罩時嘅走勢，如果呢隻馬本身係一隻中長途馬，咁蔡神仙用個眼罩減分減到咁低，現在隨時可以一口氣狂反彈，睇嚇呢場增程，就會有答案，呢隻「大利好運」係咪一隻遲熟嘅中長途馬。

至於隻精「精明選擇」上場刻意小休個幾月，但大家留意，連輸兩場後，上仗居然飛數依然硬淨到不得了，結果搏殺下又係只輸畀「天時明駒」，未交代馬伍鵬志冇再好似之前咁安排幾日又跑一場，反而一心小休近兩個月，等都等到今次跑呢場五班泥地1800，誠意睇嚟幾足夠，睇嚇今期呢兩隻處女馬，有冇機會都想求交代下，串番條Q了。